給孩子一些鼓勵

以下是我和一位家長對話內容，他的兒子K3。

我個仔玩遊戲唔輸得，一輸咗就大發脾氣，總之乜都要認第一，你睇吓佢幅圖畫，錯少少就唔鍾意，要成幅毁滅晒，點算好？

你個仔似乎很害怕失敗時候的感覺吧？⋯⋯其實你希望他有怎樣的反應？

梗係要學識輸咗都無所謂啦，我每次都有話佢，佢總係左耳入右耳出，講到我無晒氣點算好？

明白⋯⋯我忽然想問一個問題，你有冇見過有啲人用冒牌貨手袋？估唔估到點解佢哋要咁做？

吓？用A貨LV嗰啲人？⋯⋯無錢但又想認叻掛？⋯⋯⋯怕人哋睇唔起自己？

咁你覺得呢D行為係咪好似喺度講大話？

梗係啦，喺度死充！俾人識穿笑大人個口！

因為佢哋怕比人哋睇少，所以先冒險用冒牌貨，深層次睇，係因為缺乏自信而講大話。

咁同我個仔唔輸得有咩關係？

你覺得呢？

沉思良久，這位家長略有所悟。

細心想想，給你15秒，可以數出孩子的5個優點嗎？

缺點就大把，邊有咁多優點？

是嗎？試試數數吧。

15秒之後，家長只能數到1個孩子的優點。

事實上，孩子又怎可能只有一個優點？

只是我們已經不斷被訓練成善於批評，挑剔，看缺點的特性吧。

▲ 相片來源：葉偉麟 兒童行為情緒治療師 Facebook

其實要小朋友接受失敗，等於要接受自己的不完美。想一想，當小朋友日常瑣碎事做得不夠好，錯漏百出，甚至一塌糊塗的時候，我們曾經對孩子怎樣說？

不要緊，下次你一定會做得到的。

你很努力嘗試，很堅持啊！媽媽全都看在眼裏的。

哈哈，再試試看！

孩子，我相信你。

無論怎樣，你在爸爸媽媽心目中都是最好的。

如果你做錯了事，仍然聽到以上的鼓勵說話，你有何感受？

孩子是否擁有自信的第一步，就要看家長你們了。

原文刊於作者Facebook，獲作者授權轉載。