康橋之家前院長張健華開腔：我才是受害人【足本訪問】

葵涌私營殘疾人士護理中心「康橋之家」前院長張健華涉嫌與年輕智障女院友非法性交，因女事主患創傷後壓力症及智障，不宜出庭作供，律政司最終撤控罪。張健華向《香港電台》強調自己「完全無」做過性侵或非禮的行為，並提出4大反駁，包括醫療報告指事主是處女，何來非法性交的指控；又指自己有夢遺，所以辦公室有精液紙巾，「可能她（女事主）執起垃圾桶時有汗沾到紙巾上。」

根據港台播出的張健華錄音聲帶，張健華說：

我回應返，呢件事係絕對無呢件事發生，呢件事係未曾經過審訊，係辯方未有機會拎過任何資料出嚟證明係無呢件的情況下，控方攞哂佢哋手上的資料去指控我，絕對係唔公平。最主要一樣嘢，我哋手上有一份法醫的報告，佢（女事主）係一個處女，而我這個罪行係講緊非法性交的問題，咁佢係一個處女，咁性乜嘢交啫？咁存疑咗一個大的問號。

【延伸閱讀】撤控「康橋之家」院長　律政司：智障女應訊危害復原

【延伸閱讀】院長涉與智障女非法性交獲撤控　社署：女事主正接受治療

張又提及，控方提供女事主8份醫療報告，報告中有醫生指女事主有被害妄想症，「而係佢亂講嘢的情況下，佢唔適宜作供，係全部有作假。」

張健華向港台講述在寫字樓的事發經過，堅稱自己是受害人，女事主不是受害人：

夢遺的情況，其實不嬲都......嗰度係宿舍，你唔好當嗰度係辦公室，我有舊紙巾係嗰度。X小姐就嗰日應該有啲片段係扯返我入寫字樓裡面，想入我寫字樓裡面攞佢想攞嘅嘢。咁係我寫字樓裡面周圍找，咁我就諗住做啲得意啲的動作氹佢開心，快啲走，咁佢找到啲筆、紙呀，問我邊樣嘢攞。佢見到垃圾桶入面，有我飲完的一包陽光荳奶，就扔在垃圾桶。佢就話要：『飲品，飲品，飲品。』我就唔識聽，同埋本身我隻眼又唔好，咁佢就垃圾桶執咗包陽光荳奶出嚟，然後打翻咗個垃圾桶，就唔知啲口水定係咩嘢啲體液，就掂到嗰6張紙巾裡面其中2張，咁2張裡面就有微量的DNA係度，咁完全就唔係，唔係完全係一個污染的過程。咁之後就叫執返啲嘢，佢係度攞咗啲嘢，咁我氹吓、氹吓、氹吓，叫佢出返去。

他說如果事主的口供能公開，他會刊登在報章上讓公眾評論，「睇下所述嘅性侵案究竟係咩嚟？我自己都唔係好識分」。

【延伸閱讀】院長涉與智障女非法性交獲撤控 6萬人聯署促處分

張健華向港台聲言事件歷時2分幾鐘；但《明報》指張提供的院舍閉路電視片段顯示，張與事主一起進入辦公室，逗留約4分鐘。張健華向《明報》聲言，他嘗試擺動身體用滑稽動作逗女事主開心，她拿走筆後離開他的辦公室，平靜地離開。

▲ 「康橋之家」前院長張健華於2013年曾代表業界在立法會上發言。(立法會事務委員會片段截圖)

根據法庭判辭，控方案情指X的母親於2014年8月10日探望女兒，一院友向X母展示一段電話拍攝的影片，查問下X說院長曾用陰莖觸碰其下體。

張健華指出，該片段長約數分鐘，是院友在玻璃門外「隔住磨沙玻璃，影我企喺度，行前行後，郁來郁去。」記者向張索取影片，他指片段的光碟存放家中，昨日未能提供。他只提供了院舍的閉路電視片段，顯示他與事主一起進入辦公室，逗留約4分鐘，二人前後腳步出辦公室。

嚴重智障人士家長協會主席李芝融表示，以他所認識的智障人士會知道垃圾桶內的東西不能進食，認為他們「不會有動機這樣做」。

學前弱能兒童家長會發言人李劉茱麗認為張健華的說法是難以置信及砌詞，作為家長，她更關心如何避免同類事件再發生。

【延伸閱讀】鍾樂偉：康橋之家與電影《無聲吶喊》的關係

【其他熱話】擦膠塑化劑影響生育功能　邊款最安全？

【其他熱話】梁君彥裁定5議員宣誓無效 重新宣誓機會非無限