牙齒愈刷愈黃兼致敏？牙醫拆解刷牙錯誤

有一口靚牙，先可以「牙擦擦」。但日日勤力刷牙其實還未夠，有牙醫指不少港人都「刷錯牙」，甚至愈刷愈黃，兼造成敏感牙齒亦不自知；而同時諱疾忌醫，無定期檢查牙齒，亦令牙周病氾濫。

第1錯：刷毛過硬

港大牙醫學院牙周病學臨床教授梁惠強笑言：

很多人知道車匙在手，都要學車才懂得駕駛，卻誤認為有牙刷在手，便自動識刷牙。

他指坊間出售的牙刷五花八門，一般人以為刷毛愈硬，愈能刷得乾淨，事實上，中毛及硬毛牙刷，都會刷傷牙齒和牙肉，要揀軟毛牙刷才恰當。

牙醫趙創波解釋，牙齒表面琺瑯質有固定厚度，不會隨時間再生，若用硬毛牙刷，很易將琺瑯質刷走，護齒反變傷牙，

用軟毛牙刷再加輕力按摩，已可以去除牙齒表面污漬；另外，其實一般人每次刷牙2分鐘已足夠，很多人刷足10多分鐘，卻不知道刷的時間愈久，琺瑯質會變得愈薄。

【延伸閱讀】一圖睇晒牙齒變色警號　啡黑色漬如何挽救？

第2錯：太用力刷

趙創波指，不少人誤以為「大力刷」可令牙齒更乾淨亮白，實際上力度過強的「暴力刷牙」，除令琺瑯質變薄，露出底層的象牙質，使牙齒泛黃，更會導致牙齦收縮，形成敏感牙齒；另有很多人只刷牙面，未留意應同時清刷牙齦，按摩牙肉，亦增加患牙周病風險。

梁惠強指：

都巿人趕時間，常認為大力刷，刷到一口泡就乾淨，但因沒有對着鏡子和用系統方法刷牙，也會經常忘記自己刷到邊。

第3錯：唔用牙綫

單靠牙刷，原來並不能將蛀牙「原兇」剔除。梁惠強指，刷牙時必需要配合牙綫，

牙綫可輕輕攝入牙肉，將牙垢拉走，牙刷根本做不到。

他補充，不少港人使用牙綫手法不當，如「直出直入」無剔走牙垢，及「選擇性使用」，沒有去除所有牙縫的殘留物。梁建議一般人可選用牙綫清潔，而患牙周病或牙縫較大者則可改用牙縫刷。

趙創波亦認同單靠牙刷不夠，

年紀大的人，牙齦很易收縮，形成黑三角位，卡住食物殘渣，若無用牙綫及牙縫刷的習慣，亦會加重蛀牙及牙周病風險。

兩大問題：蛀牙 + 牙周病

港人最常見的兩大牙齒問題，非蛀牙及牙周病莫屬。梁惠強指，雖然港人的牙周病發病率與全球相若，但嚴重及惡劣的個案更多，除因刷牙不當，無定期檢查亦是主因，

港人牙科保健因要自費，僅四分一人會定期檢查，70％人有牙痛、甚至甩牙才求醫，令情況更差。

牙醫趙創波引述研究指，本港有80％至90％人有不同程度的牙周病問題，除因擦牙力度及時間不當，亦源於無對症下藥，

很多人會自行去藥房買藥食，但其實一般牙齦出血只要改用正確方法刷牙，及使用適當刷牙產品，將牙齒間的污物清走便已足夠。

全文刊於《晴報》

《晴報》facebook

【其他熱話】烏冬VS 即食麵　邊款粉麵最邪惡？

【其他熱話】營養師一月減8磅 黃凱詩剖白「貼地」減肥餐單

【其他熱話】免費幼教名單出爐　 77間半日制幼稚園須交學費（附名單）