派對達人教5分鐘自製三文魚芝士卷【有片】

周六便是平安夜，不少人會開派對慶祝。如果你是派對搞手，當然要準備派對小食，今次請來經常出席各大小派對、專售賣高級食材的Dolce Dolce Kitchen & Gourmet老闆娘Esther Au，教大家選擇一些現成派對食物，以及做一些簡單小食，就算是零煮食經驗的你，都輕易做得到。

Esther Au認為派對小食，最重要是做法簡單，賣相精美，還要細細份，一口一件就更好，因方便食。小食款式亦要多，如一個十多人的派對，宜做8-10款小食。由於大家在聖誕節多會飲酒慶祝，故小食要香口及較濃味，佐酒最合適。

▲ Esther 經常籌備各大小派對，絕對稱得上是派對達人。(陳智良攝)

買現成小食最方便

Esther Au提議可買現成小食，打開包裝或罐頭即食，想食熱東西，又可簡單煮熱，十分方便。

推介1：龍蝦湯

在聖誕夜，飲一碗暖暖的熱湯，全身感覺溫暖。這湯用法國龍蝦熬製，味道很鮮甜，只需煲至滾就飲得，若想更綿滑一點，煮時可加入少許忌廉，效果更佳。

▲ 罐頭龍蝦湯價錢為$75。(陳智良攝)

推介2：洋蔥釀吞拿魚

在細細粒的意大利洋蔥內，釀入以水瓜柳、番茜及鯷魚碎做調味的吞拿魚，味道帶點鹹香，佐酒一流。

▲ 洋蔥釀吞拿魚，價錢為$98。(陳智良攝)

推介3：Panettone

中文名為聖誕麵包，是意國人開聖誕派對時必吃的甜品，質感有點像麵包，裡面有用糖煮的生果粒或提子粒等。蛋糕較巨型，開派對要切成小件當甜品食。

▲ Panettone價錢為$350。(被訪者提供)

推介4：聖誕甜酒

若因時間關係未能自己調配雞尾酒，可以買枝甜酒來撐場也不錯。這款奧地利甜酒，充滿花香，容易入口，女生最合適。飲完不要棄掉酒樽，可在裝飾及儲物，十分環保。

▲ 聖誕甜酒，價錢為$220(陳智良攝)

5分鐘自製派對小食

Esther Au 話可用簡單的食材來作小食，製作相當容易，不用開爐及開火，5分鐘就做到，更保證不會失手。

1. 三文魚芝士卷

把一片三文魚捲著軟芝士，再加少許香草作裝飾，賣相精緻。

▲ 三文魚芝士卷。(陳智良攝)

▲ 三文魚芝士卷的材料，包括有煙三文魚價錢為$125，瑞士軟芝士價錢為$45。(陳智良攝)

2. 吞拿魚意式麵包

在麵包片上放上罐頭吞拿魚，再加一片番茄，健康又美味。

▲ 吞拿魚意式麵包(陳智良攝)

▲ 意式麵包價錢為$35，罐頭吞拿魚價錢為$48。(陳智良攝)

Panettone可以做甜品

其實Panettone可以製作不同的甜品，變化多端，Esther會在片中教大家如何做，其中包括麵包布甸、咖啡甜品等，去片！

【其他熱話】港夫婦台南開餐廳 宣揚北歐健康飲食

【其他熱話】物理治療師追夢 登馬納斯盧峰頂第二位港人

【其他熱話】酒店大廚教煮蝦仁炒蛋　揀靚蝦要睇蝦頭

【其他熱話】西環5間深宵食堂 港大生必試煎腸粉