唔止防水！日本手機可沖涼

日本手機生產商Kyocera推出一款防水手機，賣點是可以幫手機沖涼，用沖涼液洗刷成部電話都唔怕，既防水，亦防番梘泡。該手機會於今年3月，正式於日本推出，提供三色選擇，包括粉紅色、白色及淺藍色。

與上一代一樣，第二代防水手機rafre KYV40連熱水都不怕，在手濕及戴手套時仍可「篤芒」，另內置廚房app，為一眾愛入廚的靚太提供食譜及計時功能，支援手勢指令，可免提聽電話。

rafre KYV40配備1300萬像素主鏡頭及500萬像素自拍鏡頭，電池容量為3,000mAh，暫時未知定價，但只會於日本銷售。