鄭丹瑞：去書展的尷尬

認識我的人或不認識我的人，都曾問過我同一條問題：「點解近年你唔再出書？」我的答案千篇一律：當你試過每出一本新書，都能賣超過三十版，而今天能賣到兩、三版的書，已叫做好賣得，我接受唔到囉！再加上我寫的，跟市場需要的，完全是兩回事，就更加令我卻步。

「咁依家市場最暢銷、最賣得嘅係乜嘢書呀？」損友甲問我。「係旅遊書！」好事之徒搶住幫我回答。

據說書展最能反映一個地方嘅文化去到乜嘢程度？每年香港嘅書展，都有過百萬人參與，一個如此哄動嘅文化盛事，按道理我哋應該感到好自豪，但係點解我總覺得去書展有點尷尬？﹗

損友乙是一位文化人，他對今天書展的看法和慨歎，令我們這班老鬼很有共鳴。「我去書展，見到有一班年輕人，捧着一疊旅遊書，睇得津津有味，然後聽到其中一個年輕人好大聲咁話：『嘩！整乜鬼呢本旅遊書咁多字嘅，點睇呀?!』最暢銷嘅書屬於旅遊書，已經唔係幾光彩，買書嫌字多，就更加可悲！」損友乙講得口沫橫飛，我們卻愈聽愈沮喪。

「依家網上乜都有、乜都睇得到，仲邊使買書呀？」好事之徒說：

所以，唔使睇得咁悲觀！書展仲咁熱鬧，仲係人來人往，即係話仲有佢本身存在嘅價值；雖然變咗質，只不過唔啱我哋嗰杯茶，我哋就照樣睇番自己熟悉嘅文字算啦！去行書展，就當係支持文字嘅行動，意思意思囉！

【其他熱話】別讓培養閲讀習慣成為催谷成績的目的

【其他熱話】前幼稚園老師開兒童繪本館 教家長按年齡選書【有片】

【其他熱話】別再呃孩子從石頭爆出來 媽媽推介繪本與子女輕鬆談性