我的懷孕日記：跟星媽的孕期餐單「肥胎不肥人」

前排有網民批評謝安琪（Kay），話佢生完個囡之後走晒樣。最近阿Kay接受訪問時為大肚婆發聲，直言要女藝人生完BB好似無生過、即刻瘦番係「超乎常人」，又勉勵一眾媽咪，唔好因為生完小朋友身形未如理想而畀壓力自己，一班媽媽聽完都拍爛手掌。

事實上，好多女士懷孕期間及分娩後，都要面對體重及體型問題。好似Audrey咁吖，中後孕期時因為體重急增，畀姑娘勒令戒口；最陰公嘅係照超聲波發現，我嘅情況係「肥媽不肥B」，其實真係幾唔開心。

後來睇雜誌，畀我無意中發現幾位星媽嘅孕期餐單，我開始嘗試跟住食。不過當時我已經差唔多生，未能親自引證有幾work，喺度同各位分享下︰

陳茵媺的孕期餐單：

早餐︰熱牛奶1杯、自製多士、蛋1隻。

午餐︰蒸魚、蔬菜、白飯。

下午茶︰蘋果或乳酪。

晚餐︰肉類、菜、白飯加藜麥。

陳慧琳的孕期餐單：

早餐︰脫脂奶1杯、蛋白2個、麥片或麥皮。

午餐︰魚類（如三文魚）、蔬菜、肉類、1小碗白飯。

下午茶︰小份三文治、果汁。

晚餐︰營養湯水、蒸肉（如北菇雲耳雞或梅菜肉餅）、蔬菜、白飯、草莓6粒。

另外，營養師又提醒孕媽咪，一啲睇落健康嘅食物，例如方包（升糖指數高）、沙律（要係避免落太多沙律醬）、排骨（肥膏多）等都好易致肥；飯後最好去散下步，大約15-30分鐘。

希望以上貼士幫到各位姊妹達到飲食健康，產前產後都keep得咁好啦！

準媽媽最希望給寶寶最好的營養，同時保持至fit身型。註冊營養師謝詠瑩將與大家分享如何「肥胎不肥人」，以及產後修身的秘訣，拆解產前產後的飲食誤區。她亦會教你從攝取營養開始，提高寶寶的IQ。

講座名額有限，報名從速：http://bit.ly/2ymUwZH

【延伸閲讀】80後P牌媽咪：懷孕18周點解要照結構超聲波？

【延伸閲讀】80後P牌媽咪：懷孕期間的4個美容禁忌

【延伸閲讀】80後P牌媽咪：點解糖水測試令準媽媽聞風喪膽？

全文刊於《晴報》

《晴報》facebook