IB專家4年為3000名學生補習：只有1個考不上大學

近來香港越來越多新IB學校進駐，如上幾個月思貝爾國際學校開始為2018年度招生，而荃灣海濱廣場亦擬有財團計畫改建為IB學校。

無論是幼稚園家長，或是有小朋友讀緊DSE學制嘅家長，對IB學制都心大心細，因為始終學費高昂，但又要考慮究竟IB又係咪適合自己小朋友。筆者希望今回可以解答各位哩方面嘅問題。

英文語言能力：

若果學生係中四後先轉讀IB，英文語言問題係一個障礙。IB所有科目都要寫論文，每科都有接近2000字的Internal Assessment （IA）要處理，哩個係DSE從來沒有的，因為DSE多數係操卷，操Gramma，就算作文最多都係幾百字，上千字嘅論文甚少有機會受到訓練，若果入讀IB，英文唔好唔單止影響英文本科成績，連其他科都會連累。

第二，如果入讀比較西化嘅國際學校如加拿大國際，英基學校，普遍學生溝通語言多為英文，我地聽過真係聽過有啲學生英文表達能力較遜，或口音問題，常常遭到同學嘲笑。本來在DSE非常開心，到IB後卻慘遭杯葛，實為悲劇。

學生本身的競爭力：

DSE每年接近六萬人考試，成功入讀大學嘅比率只有20多個百分比，即係100個人考有80個都入唔到大學，競爭之大，不用我多說。

但係IB，在筆者4年的補習生涯，3,000個學生裡面，只有聽過一位學生係入唔到大學，去了讀專上學院。每年IB考生都係2000人左右，而且好多家長都會送仔女過外國升讀大學，若非一定要醫科，環球商業課程或法律系，其他科目嘅競爭如文科，競爭不會太大。

所以家長想仔女免受考試之苦，但係亦有額外資源，筆者都係建議入讀IB，始終遠比DSE入讀大學容易。