女團VIVA︱Macy與經理人霍汶希炒大鑊 疑換海兒頂上做VIVA新成員
撰文： 文體藝online
發布時間： 2025/01/24 20:01
最後更新： 2025/01/27 19:03
▲ 海兒取代Macy做VIVA新成員？
【VIVA / 海兒 / 馬思惠】女團VIVA真人show《VIVA Medium Rare House》，上集講到VIVA玩遊戲整蠱Mani（霍汶希），今集輪到Mani整蠱VIVA，找來女高音歌唱家海兒（Hedy）夾計，暗示要踢走VIVA其中一位成員兼取而代之，實行玩大佢！
一開始節目組向Hedy講解整件事的背景，事緣在拍攝前，成員馬思惠（Macy）因工作安排出現誤會而跟經理人「開火」，隨後被Mani召回公司「照肺」。
Mani表示明白Macy離鄉別井隻身來港工作的孤單，但有不開心的事情亦要說出來，公司一定偎幫忙解決，說到這裏，Macy便忍不住落淚。
女團VIVA｜VIVA酒後大玩「Truth or Dare」 Macy自爆：鍾意咗公司A字頭男藝人
女團VIVA︱Macy離鄉別井強淚水
另一方面，《VIVA Medium Rare House》節目組本打算讓Hedy教VIVA唱歌的點子，但知道Macy「爆喊」後立即「轉橋」，改為假裝好想加入VIVA。而首次「飾演」奸角，Hedy笑言十分喜歡，「我要成為令到佢哋團結嘅契機，最鍾意做奸角，哈哈。」
雖然如此，但Hedy直言怕Macy嬲，「驚呀，我好驚人嬲我。但係完咗今日即刻可以解釋番㗎嘛。」
隨後大整蠱馬上閕始，Hedy上到VIVA宿舍，閒聊一輪，Hedy立即出招，「其實公司而家要我學咗你哋隻舞。唔係一隻，係全部三首歌都要學。」
女團VIVA︱Hedy「落足藥」進擊
VIVA十分驚訝並詢問原因，Hedy表示不知情，「我都係兩日前（Macy見Mani當日）先知，Mani講。」這時VIVA還不以為意，更十分踴躍表示可以教Hedy；見VIVA未有反應，Hedy再「落藥」稱「我下個禮拜就要上跳舞堂啦，一對一，阿姐搵俾我。」
Hedy繼續進擊，表示「我兩個星期要學晒三隻舞，最重要係《Morning Call》。」VIVA再次追問原因，Hedy見機不可失，再重申自己是兩日前才知道。
女團VIVA︱Macy睜大雙眼張大口
這時Macy彷彿意識到甚麼，睜大雙眼兼張開口，原來兩日前見Mani時對她說過：「其他藝人都係等緊機會㗎，唔好等到資源俾人拎咗或者俾咗第二個之後，你先嚟後悔。」Hedy續說：「突然間收到order，『總之你諗辦法整掂佢』。你哋睇我跳舞就會知我情況有幾惡劣。」
這時Macy突然小聲地說：「我覺得我嘅情況都好惡劣。」隨後便播出下集預告，Hedy說：「我可能要食咗（女團）其中一個位。」這時VALC向拍攝團隊提出：「等等先，其實係咪真係要錄我哋而家講嘅嘢？我覺得係完全唔出得街。」看來四人已真正墜入「VIVA換人危機」的陷阱。
女團VIVA︱叱咤生力軍組合金獎得主VIVA 入住軒公發跡屋遇不速之客
張敬軒發跡屋︱VIVA出道半年不和睦 張敬軒借屋開展1個月熟成計劃
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
