報告-【TOPick好物試用】集電飯煲+壓力煲+真空煲多功能於一身 Smartech "Multi Chef” 智能高速煲
發布時間： 2025/01/24 16:02
最後更新： 2025/01/24 16:05
試用專員: ng tik lim
好開心收到Smartech "Multi Chef”智能高速煲
當要即刻試下，試過煲湯，蒸野，但係最驚喜係用肉類功能炆腩肉，豬手，今次用佢黎整醬骨架，真係超方便，準備好材料放晒入去，30分鐘已經炆到淋晒入晒味，最正係唔駛睇火，唔駛怕乾水，煮好後仲可以keep 住暖，出完街返屋企就食得😚
試用專員: Lam Miu Yin
身為一位在職媽媽，既要兼顧工作，又要兼顧家庭，有時要自己煮飯都真係有啲困難，所以都一直尋求快靚正嘅方法，希望多啲自煮，令一家人可以食得健康。今次試用嘅Smartech 智能高速煲就啱晒我，煲湯炆餸慳一半時間，而且唔使睇火，咁我就有多啲時間陪小朋友！新年將至，今次挑戰做賀年菜冬菇炆鴨掌，用咗呢個智能高速煲，只需30分鐘，就炆到D冬菇好入味，團年飯啱晒，連奶奶都讚好！
Smartech 智能高速煲將會成為我嘅煮飯最佳拍檔！
試用專員: Wong man ting
今日開箱試吓煲湯，本身要3個鐘頭既老火湯壓縮成1個鐘頭完成。煲好自動跳掣，保暖，解壓比想像之中解得快。以第一次用壓力煲 新手黎講 絕對推薦👍
簡單易用，慳返唔少時間。煲身唔算太大，唔會太阻位置，清潔亦都很方便。如果要評分 Smartech絕對滿分👍
試用專員: Mok Yan Yan
開封此高速煲後，我第一時間用來煮飯，一按米飯鍵，就能自動煲飯，簡單操作，發現很快就能煮好一煲飯，不用一小時，就能煮出一鍋香噴噴的米飯，而且在煲的過程中已經聞到陣陣的米飯香味，煮出來的米飯粒粒分明，到吃的時候，米飯亦都十分鬆軟，而且在清洗煲的過程中，只要輕輕一抹就能洗乾淨。
試用專員: ng pui ying
智能高速煲使用容易，容量夠大，有不同食譜，只要撳個掣就自動煮食，只要放晒啲材料入煲撳個掣就得，煲湯很快，煲出來的湯像煲了2至3小時的老火湯。只是煲蓋是熱的，要小心使用。清洗都非常方便。
試用專員: Fung Yuen Ting
Smartech "Multi Chef” 智能高速煲賣點係，集多功能於一身，縮短煮食時間。一收到已經即刻試試平時要煲2 , 3小時既中式湯。係短短一小時左右既效果已經好令人驚喜， 因為我用平時一樣份量既材料煲出黎既湯係比平時多。而一小時左右煲出黎既濃度竟然同我平時用明火煲既不相伯仲。實在令人驚喜。不過由於我是小家庭， 有少少失望既係唔可以煮少量飯，因為安全問題，最少要有1/5材料先可以煮到，如果可以改善埋呢一個小缺點就真係完美啦!!
試用專員: kwok lai fong
今日終於有時間開箱，好高興可以試這款Smartech "Multi Chef” 智能高速煲，要研究說明書，才懂得運用煮食。
然後，簡單地清洗內鍋和上蓋，用濕布抺一抺整個鍋的外層，倒了一些清水，按pressure cook ，再按Start，作第一次使用的洗鍋。
作為新手，第一次簡單啲，煮飯先。
因為鍋不能放少過1/5的食物份量，避免煮唔熟或煮焦，所以我煮了兩勺飯量，然後按Rice，再按start ，LED 顯示展是*- -：- -*，過了15分鐘後，就顯示8分鐘，開始倒數中，這時我稍轉動排氣閥，已經聞到好香的飯味，當完成後，它響聲便可開飯。
期待，下次再熟悉運作，可以煲湯，蒸肉，煮多啲野，真係慳電慳時間，生活中的好幫手👍🏻！
試用專員: CHEUNG KA YI
全職媽媽一打二生活忙碌，有了 「Smartech "Multi Chef” 智能高速煲」幫手，一家四口大飽口福😋
之前一直覺得煲湯要睇火是一件很麻煩的事，特別是試過掛住做家務無睇火煲燶湯之後，每次煲湯都戰戰兢兢好驚又會煲燶湯。
不過而家煲湯的頻率比之前多一倍，因為無需要再無時無刻睇火，而家可以一邊煲湯，一邊做家務。而且小朋友對用智能高速煲所煲的湯特別鐘意，味道比之前無用智能高速煲所煲的湯更入味。
試用專員: 陳錦穎
產品好方便，本身要用兩個鐘先能煲好嘅牛尾雜菜湯，使用Multi-Chef「煲湯」功能， 1小時內便能完成，牛尾充分煮腍，湯底濃郁入味，雜菜入口即溶，而且不用睇火，撳掣後可以放心離開廚房做自己嘢，煲好後仲會發出提示聲提我有湯飲啦，相當醒目！煲瀉、煲乾水嘅情況唔會再出現，係好似我呢啲忙碌嘅都市人都會覺得好實用嘅家電！
試用專員: Pang Mei Chun
使用Smartech智能高速煲製作西洋菜豬骨湯，不單能有效縮短烹調時間，保持食材營養，對於能在繁忙工作中，回家能短時間烹調，算是一件美事。
此外，Smartech智能溫控技術確保湯品均勻加熱，避免過度煮煉，讓豬骨更鮮嫰，西洋菜更鮮香。高壓煮沸同時釋放骨髓精華，使湯底更加濃郁可口，輕鬆享受健康美味。
