職場死亡心態：「叻唔切」與「輸唔起」（上）

職場哪種人最易被「叮走」？盈力僱員服務顧問首席顧問孫立民分析兩種最易令上班族在職場「陣亡」的心態：「叻唔切」與「輸唔起」。

你身邊有這兩種人嗎？為何他們得不到老闆歡心？以下解答你疑問：

心態決定健康，職場上的「叻唔切」與「輸唔起」，足以令人社交貧血，表現栓塞，情緒抽搐。雖然病徵明顯，但患者往往懵然不覺。若然到了晚期，前途和人際皆呼吸微弱，就算用心肺復甦器也回天乏術。

「叻唔切」是領功過度活躍症，萬二分歇斯底里想別人知道他是地上最強、宇宙最堅，還要搶快回答，恐怕被別人佔先領了獎盃。

「叻唔切」有以下特徵：

1. 自以為「人肉維基百科」

任何難題他總有答案，由電腦當機、影印機jam紙、秘書妹妹是否冧新來的銷售經理、以致公司未來五年策略性發展，他隨時可奉上三公斤資料、五版紙分析和建議，還擁有全公司最多的classified內幕。

沒有人知他的說話有幾堅，但總會「見係你，先醒你」！Like佢定鬧爆，that is the question！

2. 急於「呃Like」

「叻唔切」急於表現自己的識見和賺Like，勇於決定，急於求成。特別是為老闆辦事，例如為上司買飯盒，會自行多加一杯拿鐵。

又或客人要求較大折扣或延長還款期，理應由老闆決定，但「叻唔切」總會擅自作決定，認為自己最了解老闆心意，也是證明自己的機會，但往往不符合公司的利益。

為什麼？因為「叻唔切」最大能量來源是躁動，對成功沒有耐性，唯恐落後於人，缺乏周詳考慮，更未經深思熟慮。

所以「叻唔切」的識見，只是「叻唔切」級數，大部份只是淘別人的寶而來。水份多過城門水塘，信佢半成，死因不明！他會是團隊的計時炸彈，但由於他有一股為團隊出力的熱誠，上司有時難以下刀。

但同事因誤信他的主張而中伏者，不計其數，有時同事也看不起「叻唔切」急於上位和表現囂，會暗中還以顏色，在老闆面前指出是「叻唔切」的主意，所以「叻唔切」的死亡率和unfriend指數其高。

下期筆者將會分析「輸唔起」的職場死因。各位若遇到職場管理、辦公室政治、人際衝突、或前途抉擇等難題，歡迎留言提出。

筆者會詳盡分析和解答，亦可瀏覽盈力僱員服務顧問網頁。