去旅行最憎聽到的6句說話

佛誕假又到，相信不少打工仔又飛啦！香港80後Dreamer「LLH Story」在社交網站分享「旅行前必聽的6大煩話」，稱自己每次去旅行都被人視作發達，左問又問，又要買手信及幫人代購，你有沒有共鳴呢？

1. 你去旅行啊/又去邊？

「又去邊？」「又去邊度玩啊？」無論你是幾年去一次旅行，或者每個月去幾次旅行，只要有人知道你去旅行，你必然會聽到這句說話，榮登「最煩話」榜首，簡直是實至名歸。

說出這句話的人，假如你感覺到對方的氣場是想叫你買手信或購物，建議你可以答：「我返鄉下啊！」打發對方。你絕對沒有講大話，日本、韓國、泰國、台灣，其實早已成為不少旅遊達人心目中的「鄉下」，熟悉程度分分鐘遠勝當地居民。

小編就相信，其實絕大部分人都是隨口問下，普遍程度就好似「今天吃咗飯未？」，因此不必太介懷。

2. 幾錢呀？/用咗幾錢啊？

以為告知對方的旅行目的地後，問題就完了？當你結束旅程後，有人總會化身成「問錢怪」，從來不會問你去旅行的過程，只會問你：「機票幾錢呀？住呢？買野用左幾多？」

問完又話「正啦，我都好想去呀！」事實上，這類人無論機票、酒店、匯率幾平都好，都是講完就算，從來不會去旅行。

3. 手信

不知道何時開始，買手信成為出遊的固定方程式，事實上不少地方的特產，在香港的連鎖超市都有售，何解要山長水遠帶回來？最令人氣憤的是，每次去旅行，總會有些不算熟絡的人彈出來話要手信。

邊個話去旅行一定要買手信架？好日都唔傾計，一開口就要手信或者幫佢買野，傻的嗎？

4. 幫我買嘢

無論三姑六婆，還是公司阿姐，只要她們知道你去旅行，尤其是去日本及韓國，必定會輪番「轟炸」你，委託你買蝸牛面膜、雪花秀等，原本開開心心之旅，最後慘變代購之行，行李箱更隨時超重，被航空公司加收錢，當然呢筆費用不能向人收取，最後受傷的是自己的荷包。

各位讀者，你們又是否有相關遭遇呢？歡迎留言討論。