十萬美金任你玩？史上最癲青年項目

前期介紹了世界各地的交流項目，你可能會問參加的都是專業人士及青年領袖，如果學生、尤其是中學生,好似冇乜機會。今期同大家介紹嘅活動，你越後生就越有優勢，甚至連筆者自己都無緣參加。點解？因為只係對20歲以下人士公開！

Thiel Fellowship

打開網站，就見到數十名青少年站在太陽底下，好有Dream。上面寫著一句名言：

我從來不讓上學影響到我的教育！

相信香港人一定好明白背後意思，依家番學好似已經唔係為咗學嘢，而變成考試機器，為咗入大學，大家好似亦將下課時間貢獻咗俾補習。

如果補習得力，令你明白到多啲知識則尚算可以，但係若只係教考試技巧，就可能長遠造成學習盲目，完全無晒求知慾。長大後，乜都提唔起勁，又乜都做唔成。

▲ PayPal創辦人Peter Thiel創立Thiel Fellowship，每年挑選二十名二十歲以下有想法及夢想的青少年，每人頒發美金十萬元，有兩年時間實現夢想。（相片來源：Getty Images）

PayPal創辦人Peter Thiel為了鼓勵青少年重新找尋學習意義及追尋夢想，因而創立Thiel Fellowship，每年挑選二十名二十歲以下有想法及夢想的青少年，每人頒發美金十萬元，有兩年時間實現夢想。

可能你會問啲後生仔女可以做得啲乜。

但係，話俾你知，歷屆得主已共創立了58個機構、提供200個就業機會、服務全球客戶、創造2億美元嘅經濟效益、共計總值5億美元啲資產。

反思一下，我地今日又如何過生活呢？

作為香港學生，大家又可以參加乜嘢活動呢？

筆者與龍傳基金的傑出專業人士於2009年創立了香港智營為中學及大專生舉辦YES大型師友暑期計劃。導師包括旅遊記者、投資銀行家、律師、醫藥界、審計人員、大學運動系講師、飲品生產等行業人員。

▲ 香港智營的導師帶領學員參與本地短片比賽，獲得五個大獎，包括最佳短片、最佳導演、最佳編劇、最佳女主角和最佳男主角。（相片來源：香港智營）

在青年專業人士領袖的身教下，培育一眾學生成為義工領袖。活動包括7-8月每週日之領袖工作坊、義工體驗、典禮、互動遊戲、模擬求職等，並設有大量獎學金及獎項。每位參加者也可一試擔任領袖。報名可按此。

若你希望參與短期訓練營，可參加基從1992年便舉辦之Super-Teen超能青少年五天訓練營。該計劃以美國權威大學研究天才學生成果設計，對於提升學習方法、追求卓越、個人管理技巧及改善家人、朋友溝通均有顯著進步。

筆者特別奉勸青少年

不要浪費暑假，更不可少看自己年輕！

希望將來可以看到首位香港的Thiel Fellow!

作者簡介：

李家倫Clive 從工程師走上人道及公益事業並全情投入，倡導自利利他，惠己及人，為社會謀福祉，豐盛自己和他人的人生。 現為國際慈善基金會運營總監。 著作有《義遊未盡》。