「大佬孝」談政改：度出「袋住先」真係豬咁蠢！

經歷逾月，港股的大時代逐漸失色，反而公仔箱裏的《大時代》備受追捧。飾演「大佬孝」的邵仲衡在噤聲處處中能暢所欲言，引來九十後觀眾青睞，也引來知識分子add friend，工作接踵而來，收入短期內進漲七位數，人們從解構丁孝蟹改為解構邵仲衡。

這段日子，他到底講過做過些甚麼？他應雜誌邀請拍片鑑別真假「Poschuen」手袋撐真普選；試過大爆內地種種荒謬生態，也公開批評舊僱主TVB……。

這些，大概都是當今藝人不敢亦不會做的。慢慢地，「敢言率真」漸成了他的寶號，育成了他那套再戰娛圈的行銷術。

▲ 邵仲衡在《大時代》中飾演大佬孝。（相片來源：iMoney智富雜誌）

邵仲衡日前接受《iMoney》訪問時說，起初沒刻意「賣真」，「點知咁戇居連講真話都係賣點啫？」大刺刺說心底話，源於有些事看不過眼。

回歸娛圈首套客串的電影，不少工作人員也是義助性質，但最後宣傳重點竟放到「陳豪復出」上。他覺得這沒抹殺了手足的好意，就按不住氣：

成套戲最強是個故事，陳豪復出有乜咁吸引？

▲ 邵仲衡與陳豪在《點對點》中演出。（相片來源：iMoney智富雜誌）

前陣子網上有人重溫一眾藝人在八九民運後獻唱的片段，梅姐背後是成龍，他看得又火又唏噓：

當年的藝人可以咁有guts站出來聲討屠夫政權，但點解依家的藝人會咁樣？我哋唔係應該進步架咩？

由那時起，「丁孝蟹效應」慢慢變成「邵仲衡效應」，觀眾開始重新認識戲外的他，工作接踵而來，媒體也追着他問東問西。總之藝人不願置評的事，落到他手中都成了省靚招牌的百潔布。慢慢地他也開始明白，今時今日在行頭裏「賣真」確實有價。

敢言個性攖網民心

談起近月工作已為他帶來七位數收入、Facebook粉絲滿額要另開戶口，邵仲衡總是笑得開懷。但問及這回爆紅是否與社會氣氛有關，他卻愈說愈沉。他看到整個香港也太多自我審查，大家敢怒不敢言，又或者社會娛圈真的缺了一個他口中的「Common Hero」。

剛好他輕鬆回歸，沒擔子包袱，說話也大聲點，正好把港人心中那塊空白填補了。

好多觀眾話欣賞我，因我講『人話』，方發現原來已很久沒人說過似樣的話。我其實唔知自己講咗咩咁勁，對我來說如同呼吸、食飯。唉！點解我哋香港人會變成咁？

拒絕「袋住先」

政改即將便有定案，他這天氣沖沖跟我們談「袋住先」。

根本講呢樣嘢要袋住先，就等同判咗佢死刑！度出來那個真係豬咁蠢！

作為香港人，他認為這一仗絕不能妥協，反而我們要有推倒重來的勇氣，

唔緊要咪1,200個繼續選囉、拉布囉，You won't get any worse！

不過，原地踏步的夢魘是有人可能連任，但邵仲衡仿如阿爺肚裏的蟲：

香港未來就是要選一個對的人，組個對的政府，依家呢個擺明錯啦。大家心知肚明，好多嘢根本唔Work。所以你話1,200人仲夠唔夠膽選返佢？阿爺都怕咗佢啦！

除否決方案，香港人還可做甚麼？他認為，上街鳩嗚宣洩是可以的，但非最好方法。

香港人唯一要做的就是Keep好自己的質素。這是我們的生存價值，也是人家唔可以當我哋臭四的最後理由。為樽蠔油去投票是人家的事，自己唔做，教育下一代都唔好咁做就是了。

每件事要講就講要做就做；對要支持錯要批評，咁先可以吸引到全世界的資本人才來港，我們香港才可以保護到自己。

訪問到尾聲，他透露這是今個月的第58個訪問。《iMoney智富雜誌》記者問他，還有沒有想說而未說過的？他想了想：

香港人定啲黎，中央搞咁多自貿區，到頭來爆起的還是滬港通、深港通，之後又話搞基金互認。為甚麼？因為全世界都信香港的制度，我相信我們有生之年香港也不會被任何一個內地城市取代，所以香港人要一邊放鬆；一邊加油！

（節錄）

全文刊於《iMoney智富雜誌》第399期（收費閲讀）

iMoney智富雜誌facebook