田北俊：主要係人蠢無藥醫

政改方案昨日（18日）在8票贊成及28票反對、戲劇性大比數否決議案。

但堅持留在議事廳內的有田北俊等自由黨5名議員。該黨黨魁方剛在表決後，收到中聯辦來電，表示自由黨投票支持政改「做得好」。據《經濟日報》消息，來電的是協調部部長沈沖。

田北俊昨晚出席香港電台節目，狠批建制派安排不周，以致表決時出現「蝦碌」情況。節目主持人區家麟問田北俊：

有沒有人怪罪自由黨？你哋幾位起身走，等埋發叔，就冇咁嘅事發生。

田北俊直言「唔明白點解要怪自由黨」，又指：

依啲嘢（離場）到佢地（離場人士）揸主意咩？我哋建制派有個主席咩？

他稱，離場前一、兩分鐘都未知發生甚麼事，及至後來在場外才知道原來是等待劉皇發，田北俊又反問：

點解要等劉皇發一票，佢一票喺到都係政改都係過唔到，唔喺到又係過唔到，如果田北俊遲咗啲嚟，你會唔會等埋田北俊呀？

田北俊又稱，事件屬於「蝦碌」，並非「夾等」，所以「司長都呆晒」。昨晚約11時，田少更在個人fb專頁上載一張戴眼鏡的豬頭相，並稱：

邊有咁多陰謀論啊，主要係人蠢無藥醫。

田北俊今早（19日）表示對「豬頭相」受歡迎感意外，稱：「唔知可以呃到咁多like」，又指上載fb的照片是黨內年輕人負責，再經自己審批。