葉劉流淚解畫：我真係好想投呢一票

政改方案昨日（18日）在8票贊成及28票反對、戲劇性大比數否決議案。堅持留在議事廳內投了贊成票的田北俊等自由黨5名議員，事後獲中聯辦表揚「做得好」，但其他拉隊離場的建制派議員擺出個大烏龍，紛紛要為事件「解話」補鑊。

新民黨主席葉劉淑儀非常激動，她今早(19日)出席電台節目時更淚灑當場，邊喊邊說：

我諗中央政府一定係好失望，自己都好難過，所以尋晚都瞓唔著，辛苦咗20個月，我真係好想投呢一票。

節目主持人陳聰看見葉劉淑儀情緒愈來愈激動，於是問她：

當時廿三條都無咁激動，點解而家咁激動？

▲ 相片來源：雷霆881 在晴朗的一天出發 fb專頁

葉劉淑儀一邊喊，一邊抹眼淚說：

因為我相信一人一票對香港管治有好大好處...過去除了政改三人組努力，我哋四十幾個議員其實都好努力做好多嘢，冇咗呢次機會唔知幾時先有，所以覺得好難過。

昨日同樣拉隊離場的工聯會黃國健今早亦出席電台節目，被問到民建聯是否要為離場事件負責時，他直言：

係佢哋架啦，睇你頭架嘛！

隨後黃國健更稱：

習慣望住譚耀宗，佢起身我先郁。

建制派昨日（18日）更要為失去33票而召開記者會道歉，經民聯梁君彥更在昨日下午3時半乘該黨監事林建岳的車，直奔西環中聯辦「解話」。