麥當勞自選41層終極漢堡

麥當勞出新招大玩「Create Your Taste」自選漢堡包，讓客人「自已漢堡自己揀」，一向充滿好奇心的TOPick小編當然要去試，但不甘於平凡的小編，又怎會只試食普通款式？今次一於「有大食大」，叫個足足41層的終極自選漢堡！

這個幾乎「玩命」的終極漢堡有幾勁？小編在自助點餐機落單時，本來笑容滿臉的店員都幾乎嚇到「O咀」，稱這是「Create Your Taste」推出第3天以來「史無前例」的食法。

這個盛惠237港元的漢堡（單買，不跟餐）高約18cm、重約1kg，每樣配料只可最多叫3份，夾埋足41層：

• 法式甜飽
   
• 小辣椒
   
• 紫洋蔥圈
   
• 長酸瓜
   
• 蕃茄片
   
• 原塊生菜
   
• 牛油果蓉x3
   
• 脆煙肉x3
   
• 煎蛋x3
   
• 炒洋蔥x3
   
• 烤蘑菇x3
   
• 燒菠蘿x3
   
• 香濃車打芝士x3
   
• 香辣芝士x3
   
• 水牛芝士x4（本身有一塊；另加3塊）
   
• 經典車打芝士x3
   
• 安格斯牛肉x3

配料多到足夠飽足一日！醬汁方面，最多可揀全部10款，但店員建議只揀2至3款，小編挑了「松露風味醬」、「秘製Big Mac醬」及「香蒜蛋黃醬」。

等大約20分鐘後，主角41層漢堡終於登場！店員捧出時馬上引起全場騷動，不少鄰座食客都拎起手機狂影！

▲ TOPick 編輯攝

貫徹「相機食先」的精神，小編當然要幫個漢堡左影右影，仲有另一位美女小編不停同個漢堡selfie（相片當然不會在此公開）。不過影還影，店員建議食客最好在2小時內進食，否則食物會開始變質，醬汁亦會令麪包變得「軟腍腍」。

「最愛分享、不愛獨食」的小編決定把終極漢堡帶回公司，跟其他小編們齊齊嘆，店員亦非常細心地把漢堡分層放進外賣盒，又提醒小編不宜將帶有膠片的外賣盒放進微波爐翻熱。

想知TOPick各位小編試食後有何感想？心水推薦的又是那款配料？即睇：【直擊】41層巨型漢堡試食 小編有話說......

看完大解構後，你認為那幾款配料可以砌出最好味的漢堡？那幾款是有趣組合？歡迎各位留言分享！