「腦細」問：你得唔得閒呀？打工仔點答好？
發布時間： 2015/09/01 00:03
▲ 相片來源：CTgoodjobs
這世上除了「問題少女」有不少麻煩問題外，問題天天都多的，點會少得你的「腦細」（老細）？
打工仔最討厭被上司問長問短，偏偏你的「腦細」最鍾意在自己忙到甩碌之時、或是當你「dreaming on the office」的時候，走到你身後面，等你的後尾枕感到陰風陣陣，然後認真tone問你：
點呀...得唔得閒呀？
聽到「腦細」如此「關心」自己，打工仔馬上從白日夢中醒過來，嘗試正面回答「腦細」的問題。
別少看這條問題的殺傷力，當「腦細」問你得閒否，究竟打工仔要如何應對才好？以下有3個答法：
1. 能者多勞？
作為公司第20把「膠」椅、長期處於「一人之上、萬人之下」的你，第一時間搶住答：
Chur埋份report就搞掂喇！
你覺得，講「Chur」、「搞掂」這些字眼，可以令「腦細」覺得自己非常有效率。
果然，下一句你便得到「腦細」的讚賞：「That's good！」
滿心歡喜的你，以為今年升職加薪在望，誰知「腦細」下一句就劈頭說：
咁你順便幫我跟埋呢單嘢吖！
你望一望錶，已經是晚上8時了，接下來還要繼續幫「腦細」手，今次真是自討苦吃！！
2. Full booking?
忙足整個星期的你，被「腦細」問得唔得閒，聽起來太像廢話，於是你「hea答」了：
呢個禮拜好full呀...星期一至四都要見客。
你的隨口一句，原來「腦細」十分重視，他認真mode地跟你說：
咁即係星期五得閒啦？咁你順便幫我跟跟呢單嘢，OK？
原本有個happy Friday，因為一句愚蠢的對答，石沉大海了！
下次遇到同樣問題，最穩陣的答法是：
呢個禮拜full晒呀...星期一至八都要見客。
3. 一日未離開公司，一日仍是公司的奴隸
以前在公司忙到甩碌，有時連大小二便都要被迫擱置，自從上月遞上辭職信後，你變得悠悠閒，只希望可以在公司安穩渡過剩餘的日子。
Last day的前一日，你看著身邊的同事在拼命工作，自己卻在低頭打機，意想不到，「腦細」會突然走來問你得唔得閒。
希望好來好去的你，面露笑容善意回答：
聽日last day啦，依家執埋啲手尾...
本應以為「腦細」只會拋下一句「前程錦繡」，誰知用人用到盡的他竟然說：
哦...係呀？咁畀機會你發揮最後一次，幫我跟埋呢單嘢佢喇！
少年真是太天真！你忘記了，一日未離開公司，一日仍是公司的奴隸。
做到離職最後一秒鐘都是正常不過，一切都是人工包埋的無得怨。
其實，要應付「腦細」，從來沒有劃一標準，亦沒有完美答案。
反正，無論你如何回答「腦細」，workload都注定是屬於打工仔。
