莊偉忠：我希望

如果 ... 我希望

如果我可以表現好啲啲；
如果我可以講得清楚啲；
如果我可以畀大家問多啲；
如果我可以玩selfie多啲；
如果 ... 呢個世界根本無如果。

如果大家努力建立互信；
如果大家全力減少內耗；
如果大家盡力降低交易成本；
如果大家發揮團隊最大潛能；
如果 ... 呢個世界根本無如果。

我希望大家摸索到自己做人處事的風格，行自己想行的路，因為自己的人生，自己負全責，但請你明白，快樂不該建立在別人痛苦之上。

我希望大家明白小即是美，做好一千小事，遠勝可遇不可求的大事，助人成功，懷抱風險，機會和好人自然會走在一起，平凡人亦能走上康莊大道。

我希望大家各有得著，從中得到若干啟發，合力在自己五尺控制範圍之內，推翻層壓式偽管理循環。

我更加希望沒有令你們失望。

凡事以小自居，反能成其大。一個人如果不在乎誰居功，他做什麼，到那裏，都海濶天空。

多謝大會畀機會我發噏風。
多謝潘少權事後美言鼓勵。
多謝贈送紀念品嘅熱情朋友。
多謝六百二十位有緣人支持。
多謝老婆大人炒飯、青瓜鮑魚、啤酒勞軍。
你們對我真好，無言感激，但覺此生無憾。

提醒自己，提醒朋友，唔該些牙。

後記：
對於我𠵱啲咁貪玩、隨時發神經嘅人，發誓當食生菜，前晚講過今年唔再演講，𠵱家正式反口，只要有機構肯幫手，十月底前，想攪多一次慈善齋問齋答selfie座談會，簡稱「慈善齋會」，有緣再聚。

原文刊於莊偉忠facebook