張晨：貿貿然打電話是無禮貌？

記得約4年多前，小弟剛剛投入勞動市場。

既然身為新仔，自然說話不多，還是比較喜歡聽著前輩們吹水。

有一次，他們談論著某位工作伙伴，其中一位說：

條友次次有咩緊要嘢要幫手，一定係Send Message先，永遠唔會親自打畀我架喎！我覺得好冇誠意囉！

就是這句話，令我當時都抱有一個理念：「親自打電話係比較有誠意嘅。」坦白說此理念也的確沒錯，往後一兩年，對方看似也感受到這股誠意的重量。

可惜，近年的社會好像又變了樣。

雖然工作數年，但依然是件小薯仔，我還是愛聽著前輩們吹水，而內容亦有點改變：

喂，佢唔好嘢嘢打畀我先得架！WhatsApp我咪得囉。

畀我我都會WhatsApp人先啦，你唔知人哋係咪忙緊嘛。

唔係我唔想打畀佢，係人哋未必想喺電話講呀，呢啲叫禮貌。

我沒說話，卻笑了。笑的是社會無時無刻的在變化，可能一個社會習慣就是由Send Message年代萌生，經過十年，終於在iPhone6s中的WhatsApp修成正果。

想不到，四年前那個冇誠意的無名氏，今天都變成有禮貌的小伙子。以往打電話，被稱為親自有誠意；今日打電話，都變成貿然冇禮貌。

而我，只有從社會中不斷學習，再次累積用不完的通話時間，以WhatsApp去陳述一件複雜無比的公事，最後加一句：

你不介意的話，可致電給你嗎？

原文刊於張晨（鳥不起）facebook專頁

標題經TOPick編輯修改，原題為〈以前親自打電話叫有誠意；而家貿然打電話叫冇禮貌〉