打工仔從CY身上必學的辦公室「偽」術

打工仔想在職場遊韌有餘，「袋定」一兩句金句來回應老細絕對「有你着數」！

提到語言「偽」術，真的不能不向梁特首學習，每當CY面對記者或議員尖銳提問時，仍可四両撥千斤，鬆容地避開刀光劍影，絕對值的打工仔學習！

1. 當老細問：「點解個project搞咁耐？」

老細問責時，打工仔大可理正氣壯的搬出CY的一套，動之以情，曉之以理地說，

我明白個project係公司的重中之重，但因為其他部門拉布，令我地遲遲未能夠係重要議題上達成共識。

回應問題時，宜先表示你對此項工作的重視程度，繼而重點指出問題不在你身上，簡簡單單「一個轉身就射咗個三分波」！

2. 當老細問：「你下個月嘅目標係咩？」

打工仔應適時表現對公司的宏遠願景，眼神中可閃出對公司未來充滿信心的目光並說道，　

希望把握一帶一路政策，把公司的發展經中亞﹑俄羅斯再擴展至歐洲。

相信老細定必會被你的雄心壯志所動容，接下來乘勝追擊：

無論公司的將來面對任何困難，我一定會迎難而上！

老細一定「like爆你」！

3. 當老細問：「你係咪應承個客……」

醒目的打工仔要懂得察言觀色，假如老細說此話時面露不悅神色，你一定要「sense」到他正在「搵人祭旗」！

記憶中，我無講過……

印象中無講過……

我當時係無隱瞞嘅……

說這些話不代表你「講大話」，而是選擇性的說真話。引用特首這些金句的技巧在於「扮失憶」，重點不在於你曾否跟客人許下承諾，而是你不記得有沒有說過此話，用似有還無的語氣帶老細「遊花園」！

4. 當老細問：「聽朝我要份report！」

為表現出積極向上的心，當老細指派「不可能的任務」時，先表達出積極正面的態度，但面有難色的以一句

我有信心，但有難度！

來作回應，期望老細不會苛求你把任務做到完美的地步，或將任務轉交給其他同事。

5. 當老細問：「幾時先會完成？」

我會繼續關注和研究。

表示出你對事情的着緊程度，讓老細感覺到你是一個有責任心的員工。

最後，假如你「射完三分波」而老細仍然黑口黑面，記得要「知！知！知！」，正所謂「錯就要認，打就要企定」！

請各位打工仔緊記老細在辦公室之中的「超然地位」，成為「語言偽術師」絕對能助你在職場中化險為夷！