「等埋發叔」成網民萬能key
發布時間： 2015/06/19 11:47
最後更新： 2015/06/19 11:53
▲ 劉皇發遲到，未能投票。（ 陳永康攝）
政改方案昨日 (18日）於立法會遭否決，最令人感到意外的是投票過程，33位建制派議員以「等埋身體不適的劉皇發（發叔）」為由，拉隊集體離場，意圖拖延投票時間，結果出現只有8票贊成票的爆笑場面。
對於今次建制議員擺烏龍，加上「等埋發叔」這個卸膊藉口，實在令全城網民食盡花生。向來快手的網民更為發叔開設fb專頁「等埋發叔」，不足24小時已經逾1.3萬人讚好，果然全城熱爆！
昨晚有大量以「等埋發叔」為題的「抽水圖」在fb洗版，網民笑言「簡直抽到東江水都乾」！「等埋發叔」旋即成為網絡潮語，更被認為是解釋遲到藉口的「終極萬能key」！
「等埋發叔」成功登上潮語卡，用法如下，
朋友：喂，你做咩咁遲呀？
你：「等埋發叔」吖嘛！
親戚：仲未見你帶個女友來返見下嘅？
你：你俾啲時間我，我想「等埋發叔」。
網絡畫家別別豬講都係咁講......
政改口號「2017一定要得」改成「2017等埋發叔」，應該無人反對吧？
有網媒將六四事件趙紫陽「同學們，我們來得太晚了」一圖，改為發叔的「對不起，我來晚了！」
仲有媒體將女神周慧敏的「等一個人咖啡」改成......
早前朱古力抽水廣告熱爆全城，網民再用廣句口號生成器再整出抽水圖，肚餓想食朱古力？記得等埋發叔先！
發叔的洗版程度，是連環保組織綠色和平都要出來抽一抽：
創意「抽水圖」外，有神大的網民用秒速把容祖兒的舊作《不容錯失》改編成《等埋發叔》主題曲，網民更製成MV：
發叔這兩天出場次數仲多過小鳳姐，小編真係要講句辛苦你喇！
