米芝蓮千色車仔麵店老闆：最緊要係用心去做

千色車仔麵，一碗看似平凡卻是米芝蓮推介的車仔麵，如何贏盡食客口碑？紮根荃灣22年的蘇太笑言，

可能我用嘅係新鮮食材，唔會留過夜，最緊要係用心去做。

麵底、佐料任君挑選，蘿蔔、豬腸、魷魚等包羅萬有，憑着秘製醬料加一份堅持：

要我自己食得入口，先可以畀人哋食。

▲ 相片來源：經濟日報資料室

小店只有20多個座位，訪問當天正值午飯時間，閘門一打開，三五食客紛紛出現，不出半小時，店前已門庭若市，十多人排隊等候落單。

米粉、蘿蔔、魷魚，記得畀份腍啲嘅牛腩我呀。

簡單的一句，已看出是光顧多年的熟客。老闆蘇太8年前已退居幕後，由媳婦主理淥麵、夾餸，配料用完還得補充，一眼關七，已進入忘我境界。

豬腸通乾淨 牛腩炆足7個鐘

蘇太23歲開始，在新蒲崗五芳街推鐵皮車仔擺檔賣車仔麵，年復年一做就14、5年。九十年代新蒲崗工廠逐漸北移，生意大減，蘇太索性將車仔檔搬到荃灣千色店旁。車仔麵又稱嗱喳麵，但她卻認為，明明是清潔衞生的麵不會「嗱喳」，於是將舖名改成千色。

▲ 相片來源：經濟日報資料室

泥水佬做門 「過得自己過得人」

蘇太笑稱，自己是「為食鬼」，做車仔麵做了37年，不斷鑽研食材，更獨創秘製醬汁煮牛腩、魷魚、雞翼，更標榜無味精，湯底要鮮味。至於獨家的醬汁是甚麼，她笑說是「商業秘密唔公開啦」。她堅持用新鮮食材，才可做出好味的食物，

豬腸一定要通乾淨入面啲膏，食落口先爽，牛腩最少要炆7個鐘先腍。

魚蛋、豬紅、豬皮琳瑯滿目，60歲的蘇太花了大半生精神、心血，成功煮出令人齒頰留香的車仔麵，全憑是她一顆真誠的心，並堅信

要我自己食得入口，先可以畀人哋食。

秘製配方 代代相傳

能炮製出美味且獨特的車仔麵，蘇太當然希望代代相傳。

當初冇逼個仔接手，但偏偏佢好有興趣又有心做，依家由醃料、炆法、點先保持鮮味嘅獨門方法，都傳晒畀佢同新抱。

蘇太笑言，跟丈夫都「停唔到手」，沒有想過退休，每天早上及下午主要由兒子及媳婦打理舖頭，晚上及通宵就由兩老接力，負責準備食材及清潔工作。

原文刊於《晴報》。標題經TOPick 編輯修改，原題為「不平凡車仔麵 出『色』只因堅持」。